මෙරටින් වාර්තා වන ඩෙංගු මරණ සංඛ්යාව 62 දක්වා ඉහළ ගොස් ඇති බව ජාතික ඩෙංගු මර්දන ඒකකය පවසයි.
මේ වසරේ මේ දක්වා කාලය තුළ වාර්තාවී ඇති ඩෙංගු රෝගීන් සංඛ්යාව 84,724 දක්වා ඉහළ ගොස් ඇති බව එම ඒකකය නිකුත් කළ වාර්තාවේ සඳහන්ය.
ඒ අනුව ජූලි මාසයේ ඊයේ (30) දින දක්වා වාර්තාවී ඇති ආසාදිතයින් සංඛ්යාව 29,350කි.
වසරේ මේ දක්වා කාලය තුළ ගම්පහ දිස්ත්රික්කයෙන් රෝගීන් 17,971ක්, කොළඹ දිස්ත්රික්කයෙන් රෝගීන් 16,814ක්, මහනුවර දිස්ත්රික්කයෙන් රෝගීන් 5,873ක් හඳුනාගෙන ඇත.
බස්නාහිර පළාතෙන් හඳුනාගෙන ඇති ඩෙංගු ආසාදිතයින් සංඛ්යාව 44,829කි.
දකුණු පළාතේ රෝගීන් 12,738ක් ද මධ්යම පළාතෙන් රෝගීන් 7,370ක් ද වාර්තාවී ඇති බව ජාතික ඩෙංගු මර්දන ඒකකය නිවේදනය කළේය.