“ක්ලීන් ශ්රී ලංකා” වැඩසටහන යටතේ ශ්රී ලංකාවේ අපද්රව්ය කළමනාකරණ පද්ධතියෙහි ධාරිතාව වැඩි කිරීම සඳහා ජපානය විසින් රුපියල් මිලියන 565ක් ප්රදානයක් ලබා දීමට පියවර ගෙන තිබෙනවා.
මීට අදාළ අවබෝධතා ගිවිසුමට අත්සන් තැබීම ජනාධිපති අනුර කුමාර දිසානායකගේ ප්රධානත්වයෙන් ජනාධිපති කාර්යාලයේදී ඊයේ සිදු කෙරුණා.
ඒ අනුව ජපානයේ විදේශ කටයුතු පිළිබඳ පාර්ලිමේන්තු උප අමාත්ය සයමා අකිකෝ සහ මුදල් අමාත්යාංශ ලේකම් මහින්ද සිරිවර්ධන ඊට අදාළ ගිවිසුමට අත්සන් තැබුණා.
මෙම ප්රදානය මගින් පළාත් පාලන ආයතනවල අපද්රව්ය කළමනාකරණයෙහි ධාරිතාව වැඩිදියුණු කිරීම සඳහා කසළ ප්රවාහනයට කම්පැක්ටර් රථ 28ක් සපයනු ලබන අතර, ඉන් බස්නාහිර පළාතට රථ 14ක්, සහ නැගෙනහිර පළාතට රථ 08ක් ලබා දීමට නියමිතයි.
ජපානයේ විදේශ කටයුතු පිළිබඳ පාර්ලිමේන්තු උප අමාත්ය සයමා අකිකෝ එහිදී සදහන් කළේ, රජය ගෙන යන දූෂණ විරෝධී වැඩපිළිවෙළ නිසා ලෝකයේ රටවල ආයෝජන ආකර්ෂණය ශ්රී ලංකාව වෙත යොමු වෙමින් පවතින බවයි.
