රජයේ වෛද්ය නිලධාරීන්ගේ සංගමය විසින් අද (31) උදෑසන 8.00 සිට ආරම්භ කිරීමට නියමිතව තිබූ දීප ව්යාප්ත වැඩ වර්ජනයක් තාවකාලිකව අත්හිටුවා තිබේ.
නිවේදනයක් නිකුත් කරමින් එම සංගමය පවසා සිටියේ, සෞඛ්ය අමාත්ය වෛද්ය නලින්ද ජයතිස්ස, සෞඛ්ය සේවා අධ්යක්ෂ ජනරාල්වරයා සහ රජයේ වෛද්ය නිලධාරීන්ගේ සංගමය අතර ඊයේ (30) රාත්රියේ පැවති විශේෂ සාකච්ඡාවේදී ඇති වූ එකඟතා මත මෙම තීරණය ගත් බවය.
සෞඛ්ය අමාත්යංශය විසින් පිළිගත් ක්රමවේදය උල්ලංඝනය කරමින් අත්තනෝමතික ලෙස ක්රියාත්මක කිරීමට උත්සාහ කරනු ලැබූ වෛද්යවරුන්ගේ ස්ථාන මාරුවීම් අත්හිටුවීමටත්, ඒ වෙනුවට පිළිගත් ක්රමවේදය හරහා කාල රාමුවක් සහිතව වෛද්යවරුන්ගේ ස්ථාන මාරු ක්රියාත්මක කිරීමටත් එකඟ වූ බව එම සංගමය පවසයි.
