මෙම වසරේ සුරාබදු දෙපාර්තමේන්තුවේ ආදායම රුපියල් බිලියන 232ක් බව සුරාබදු දෙපාර්තමේන්තුව සඳහන් කරනවා.
ඒ අනුව, එම අදායම පසුගිය නොවැම්බර් 30 වැනිදාවන විට රැස් කිරීමට සමත් වූ බවයි එම දෙපාර්තමේන්තුව සඳහන් කරන්නේ.
මෙම ආදායම මත්පැන් නිෂ්පාදනය මත සුරාබදු වශයෙන් හා දුම්කොළ බදු පනත යටතේ බදු ලෙසයි උපයා ගෙන ඇත්තේ.
සුරාබදු දෙපාර්තමේන්තුවේ වසර 120ක ඉතිහාසය තුළ බිලියන 200ක් ඉක්ම වූ ආදායමක් ලබා ගැනීමට සමත් වූ ප්රථම අවස්ථාව මෙයවන අතර, පසුගිය වසර කීපය තුළ සිදුවූ කොවිඩ් අවදානම හා මෙරට තුළ ඇති වූ ආර්ථික කඩා වැටීම් ඉදිරියේ සුරාබදු ආදායම් මෙම ඉලක්කයට යාමට බලපා තිබෙනවා.
එම දෙපාර්තමේන්තුවේ දැනට විශාල මානව සම්පත් හිඟයක් පවතින අවස්ථාවකදී මෙවැනි ආදායම් ඉලක්කයක් වෙත ළඟා වීම විශේෂත්වයක් බවයි එම දෙපාර්තමේන්තුව සඳහන් කරන්නේ.
