2026, ලෝක කුසලාන පාපන්දු තරගාවලියේ L කාණ්ඩයේ ක්රොඒෂියාව සමඟ පැවති තරගය ගෝල 4ට 2ක් ලෙසින් ජයගැනීමට එංගලන්ත කණ්ඩායම සමත්විය.
අමෙරිකා එක්සත් ජනපදයේ ඩලස් නුවර පැවති මෙම තරගය ආරම්භයේ සිටම වේගවත් හා උණුසුම් මුහුණුවරක් ගනු ලැබුවේ, දෙපාර්ශ්වයේම ආක්රමණශීලි පන්දු රටාව හමුවේය.
තරගයේ 12 වැනි මිනිත්තුවේදී නායක හැරී කේන් එංගලන්තයට පෙරමුණ ලබා දුන්නද, මාර්ටින් බතුරිනා 36 වැනි මිනිත්තුවේදී ක්රොඒෂියාව වෙනුවෙන් සම කිරීමේ ගෝලය වාර්තා කළේය.
පළමු අර්ධයේ අතිරේක කාලයේදී පෙටාර් මුසා ලබාගත් ගෝලයත් සමඟ ක්රොඒෂියාව තරගයේ වාසිය අතට ගැනීමට සමත් විය.
කෙසේ වෙතත් දෙවැනි අර්ධය ආරම්භ වූ වහාම ජූඩ් බෙලින්හැම් එංගලන්තය වෙනුවෙන් ගෝලයක් රැස් කරමින් ලකුණු තත්ත්වය 2-2ක් ලෙස සම කළේය.
